Ｔ檔案室

太陽報
2006年10月01日
最早的變性官司

　　現今社會，對變性已經由完全抗拒慢慢變成開始接受，而韓國變性藝人河莉秀喺亞洲地區廣受歡迎，就係民眾接受變性人嘅最佳例子。不過，喺古代社會，人民思想封建，不但不接受變性人，連法庭也對變性人持有歧視觀點。

　　最著名嘅變性官司發生喺一九七○年，當時英國人April Ashley雖生為男兒身，但由於心理上一直覺得自己係女仔，於是佢喺一九六○年進行咗變性手術，成為一位真正嘅女人，佢更加喺一九七○年下嫁Arthur Corbett為妻。

　　不過，其後英國法庭推翻其婚姻，理由係佢喺出生時嘅生理構造為男性。事後，April雖然提出上訴，希望還自己一個公道，但當時嘅英國大法官Ormrod則以佢仍然有男性染色體為由，推翻其上訴，令April敗訴而回。