Ｔ檔案室

東方日報網頁
2006年08月09日(三)
還我本性　變性人各有出路

　　以前大家聽到變性人呢個名字，不但會帶點歧視成分，男士們聽到都例必「縮頭」，不過依家變性手術之進步，真係令人嘆為觀止，世界各地變性藝人之美，簡直不比任何靚女遜色，就連世界各地紅燈區，均有變性人企街，甚至連滾友事後亦懵然不知，惟有嘆句天公不作美，靚女生來錯配性別啦！

加州：湧現變性流鶯

　　今次滾變性人滾友，之唔係滾友良囉！佢諗住開開心心去加州旅行，順便一探當地紅燈區之風土「性」情，從美國返後仲大讚度流鶯夠晒專業，佢租車行經街頭，之後就玩「車震吹功」完事，仲話度服務態度係一流添。不過日前佢睇完報紙後突然為之色變，原來早排加州警方進行街頭掃黃，對街頭流鶯進行放蛇行動，竟然發現當地企街佔二成均屬變性人，大多街頭向駛車經過男士游說進行「食雪條」服務，事後滾友均懵然不知一夕風流女性竟然係男兒身！依家滾友良嚇到面青青，近來連房事都提不起勁添！

泰國：變性人多產地

　　其實現今變性人之美，已經去到巧奪天工地步。好似泰國咁，就以變性人聞名。據統計，泰國目前約有20萬名變性人，亦即當地俗稱「人妖」。該國約有不少於百多個人妖表演劇團，大部分變性人均係因為嚮往成為真正女性而主動投身變性人行業之中。而當地亦對變性人進行三級制細分之：第一級，純粹男扮女裝，還未有進行任何「淨身」手術；當開始服用雌激素，用以令身體作出女性變化則為第二級；第三級，變性人則係進行男性性器官切除手術，連胸部及下身均已完全女性化。

　　當去到第三級變性人，你會好難發現佢同真正女仔有乜分別，甚至可以話佢比女人更加明媚，更為溫柔，只因佢希望以更女性行動，去掩蓋本為男兒真身！

出名變性藝人

　　現今社會對變性人採開放態度，甚至部分被捧為藝能界明星，受到民眾所歡迎，以下就係幾位經典例子：

1.河莉秀

　　講到現今最出名變性明星，河莉秀可謂無出其右。佢大方宣稱自己係變性手術而成女人後，韓國人氣更係有增無減，甚至好多內衣商或片商都唔介意佢身份，邀請佢作性感演出，而且民眾仲相當受落添！

2.變性組合LADY

　　繼河莉秀之後，上年年中時當地唱片商從過百名「人工美女」挑選出四位組合出新一代變性組合LADY，更推出處女大碟《LadyAttention》，由於變性組合甚有噱頭，加上四位「靚女」每次出場均唔錫身，登台時性感現身大跳熱舞，極受韓國歌迷之歡迎。佢仲揚言主打香港巿場，誓言為「自己人」出一口氣！

3.內地佳麗莉莉

　　24歲四川人陳莉莉曾因報名參加2004年環球小姐中國四川選拔賽，被揭發係男兒身後因而聲名大噪。後來因為環球小姐從不選變性人，因而被取消參賽資格。不過佢反而因禍得福，受內地民眾所注視，及後更以其個人經歷拍下電影處女作《隱私》。